Poet
idhar maail kahan vo mah-jabin hai
falak ko mujh se kyuun parkhash-o-kin hai
na dekha apne bismil ka tamasha
qarib aa kar vo kitna dur-bin hai
ye achchha hai to achchha ghair ko bhi
satao aur puchho kyuun ghamin hai
hamen surat dikhae kya tamanna
ki ashiq jis ke hain parda-nashin hai
ye mujh se shikva hai allah re shokhi
ki mere gham se tu andoh-gin hai
ye kaisa tafraqa hijran ne daala
kahen kya ham kahin hain dil kahin hai
na puchho ‘shefta’ ka haal sahab
ye halat hai ki apne men nahin hai
Leave a Reply