poet

Jo Hota Aah Teri Aah-E-Be-Asar Mein Asar

jo hota aah tiri ah-e-be-asar men asar

to kuchh to hota dil-e-shokh-e-fitnagar men asar

bas ik nigah men mashuq chhin len hain dil

khuda ne un ki diya hai ajab nazar men asar

na chhodi gham ne mire ik jigar men khuun ki buund

kahan se ashk ka ho kahiye chashm-e-tar men asar

ho us ke saath ye be-iltifati-e-gul kyuun

jo andalib ke ho nala-e-sahar men asar

kisi ka qaul hai sach sang ko kare hai mom

rakkha hai khaas khuda ne ye sim-o-zar men asar

jo aah ne falak-e-pir ko hila Daala

to aap hi kahiye ki haiga ye kis asar men asar

jo dekh le to jahannam ki phere bandh jaae

hai meri aah ke vo ek ik sharar men asar

bigaden charkh se ham ‘aish’ kis bharose par

na aah men hai na soz-e-dil-o-jigar men asar

More Poems

Leave a Comment