Rasheed Lakhnavi
kabhi gesu na bigḌe qatil ke
naz-bardar hain mire dil ke
mujh ko aghyar se bhi ulfat hai
ki ye kushte hain mere qatil ke
uThe jaate hain bazm-e-alam se
aane vaale tumhari mahfil ke
un ke dar tak pahunch ke marta huun
Dubta huun qarib sahil ke
dagh-e-dil ghuT rahe hain piiri men
bujh rahe hain charagh mahfil ke
hai musafir-navaz tegh tiri
mujh ko ruḳhsat kiya gale mil ke
ai ‘rashid’ ‘uns’ tak the ham sha.ir
ho ga.e ḳhaak hausle dil ke
Leave a Reply