Poet
main ik bahta dariya huun
lekin kitna pyasa huun
raah men gum-sum baiTha huun
ik ik ka munh takta huun
tujh ko apna kahta huun
kitna bhola-bhala huun
dhuup men tapta sahra huun
janam janam ka pyasa huun
phir tujh tak lauT aaya huun
shayad khoTa sikka huun
aksar tere baare men
sapne dekha karta huun
tu bhi ek khilauna hai
main bhi ek khilauna huun
meri fitrat chand si hai
ghaTta baḌhta rahta huun
bachchon ki farma.ish par
jhuTe va.ade karta huun
yaaro kuchh dam lene do
duur se chal kar aata huun
mustaqbil ke baare men
kya kya socha karta huun
‘tahir’ ghar ki chaukhaT par
jaane kyon chup baiTha huun
Leave a Reply