Shaista Mufti
vo mujh se kahte hain muskura do
hua hai jo kuchh use bhala do
main un se kah duun
ki ab ye mumkin nahin raha hai
vo ranj-e-hasti ki zahr ban kar
mire lahu men sama chuka hai
mire tasavvur men bas chuka hai
vo mujh se kahte hain muskura do
hua hai jo kuchh use bhula do
main rat-din ki udhadpan men
vo kirchiyan bhi samet lungi
jo meri ankhon men chubh rahi hain
jo meri sanson ko das rahi hain
mujhe yaqin hai ki kanch ka ye hasin dhoka
fareb ka be-karan sarapa
zara si aahat se gir padega
vo mujh se kahte hain muskura do
hua hai jo kuchh use bhula do
suno
ye mumkin nahin ruba ab
ki mera dil mera khush-nazar dil
koi tasalli nahin sunega
koi havala nahin sunega
main janti huun
ye mera vahshi udaas dil hai
jo tujh se mujh se alag thalag hai
use mitana nahin hai mumkin
use to jangal ki aas hai ab
talash yaado ki baas hai ab
mujhe to hairat si ho rahi hai
vo mujh se kahte hain muskura do
Leave a Reply