Rafique Khayal
jab tiri chaah men daman-e-junun chaak hua
phir kahin ja ke mujhe ishq ka idrak hua
yuun to ik jaise nazar aate hain chehre lekin
koi ḳhush-ḳhvab hua aur koi ghamnak hua
varaq-jan pe likhe main ne sahife dil ke
is havale se bhi main sho.ala-e-be-bak hua
koi mar ke bhi zamane men amar hota hai
aur koi jiite hue bhi jasad-e-ḳhak hua
jis ki lahron se janam lete hain sandal se badan
us samundar ka ba-sad shauq main pairak hua
ai ‘ḳhayal’ a.ina-e-husn-e-mujassam ki qasam
ḳhaak par baiTh ke main sahab-e-aflak hua
Leave a Reply