vo shaḳh-e-gul ki jo avaz-e-andalib bhi thi
hui jo ḳhushk to mere liye salib bhi thi
dayar-e-sang men sar phoḌti phiri barson
miri sada ki jo is daur ki naqib bhi thi
jo sham.a duur thi us ne faqat dhuan hi diya
usi ki lau se jala huun jo kuchh qarib bhi thi
sarisht-e-husn ajab hai ki vasl ke hangam
nigah-e-yar men kaifiyyat-e-raqib bhi thi
sakun kahan ki main ashob-e-fikr rakhta huun
jo mahr tha to tamazat mira nasib bhi thi
Leave a Reply