Aftab Iqbal Shamim
vo asman ke darakhshinda rahiyon jaisa
andheri shab men sahar ki gavahiyon jaisa
kiran-shuur, dil-e-jahl men utarta ja
ki vaqt aan pada hai tabahiyon jaisa
faqir-e-farda! tire naam se mila hai hamen
ye mulk-e-khvab, tiri badshahiyon jaisa
niyaz-o-arz-e-sukhan se kahan faro hove
ghurur-o-naz ki hai kaj-kulahiyon jaisa
kaha tha kis ne ki shakh-e-nahif se phuten
gunah ham se hua be-gunahiyon jaisa
miri barat kisi ajnabi ka likhkha hua
ye harf harf navishta siyahiyon jaisa
Leave a Reply