Wo Qafila Jo Rah-E-Shaeri Mein Kam Utra

Farhan Salim

vo qafila jo rah-e-sha.eri men kam utra

nasib se mire ghar karvan-e-gham utra

tujhe ḳhabar hi nahin hai ye qissa-e-kotah

jahan pe but na gire kab vahan haram utra

safed ho ga.e jab shahr ke tamam sutun

har ek burj har ik taaq men sanam utra

kashan kashan jo sitaron ki samt nikla tha

phira to apni zamin par ba-chashm-e-nam utra

dayar-e-ishq ki tira-nasibiyan ‘salim’

ki asman to gire ḳhuub abr kam utra