mohabbat kā zamānā yaad aayā
mujhe apnā fasānā yaad aayā
jabīñ kī shorisheñ allāhu-akbar
phir un kā āstāna yaad aayā
vo rūdād-e-alam phir yaad aa.ī
tirā aañsū bahānā yaad aayā
asīroñ ko qafas kī zindagī meñ
nasheman kā zamānā yaad aaya
lab-e-gul kā tabassum kuchh na pūchho
tumhārā muskurānā yaad aayā
vo aalam apnī az-ḳhud-raftagī kā
vo un kā paas aana yaad aayā
gile shikve kahāñ tak un se ‘nudrat’
ye kab kā dostāna yaad aayā