Hafeez Merathi
sitam ki tegh ye kahti hai sar na uncha kar
pukarti hai bulandi ki zindagi hai idhar
chaman men ham na rahenge tire palaTne tak
Thahar Thahar zara jaati hui bahar Thahar
koi fareb na khaa.e safed-poshi se
na jaane kitne sitare nigal ga.i hai sahar
tu jauhri hai to zeba nahin tujhe ye gurez
mujhe parakh miri shohrat ka intizar na kar
‘hafiz’ kitne hi chehre udaas hone lage
hamare fan ko sarahen bahut na ahl-e-nazar
Leave a Reply