Abr uTTha to Subu Yaad Aaya

abr uTThā to subū yaad aayā

husn kā rañg-e-numū yaad aayā

koī manzil mirī manzil na huī

dil ko har-gām pe tū yaad aayā

chashm-e-sāqī kā ishāra pā kar

riñd ko nāra-e-hū yaad aayā

abr uThā to tamannā jaagī

dil ko shaġhl-e-lab-e-jū yaad aayā

apnī ḳhush-kāmī pe ik aah ke saath

baḳht-e-nākām adū yaad aayā

dekh kar mast ghaTā.eñ ‘maz.har’

apnā dil apnā lahū yaad aayā

Leave a Comment