navak-e-taza dil par maara jang purani jaari ki
aaj hava ne zaḳhm-e-kuhan men Duub ke taza-kari ki
jis kyari men phuul khile the nag-phani si lagti hai
mausam-e-gul ne jaate jaate dekha kya dushvari ki
ek taraf ru-e-janan tha jalti aankh men ek taraf
sayyaron ki raakh men milti raat thi ik bedari ki
ku-e-bayan ki virani se mera bhi ji baiTh gaya
munh moḌe avaz khaḌi hai saz-e-rah-sipari ki
Leave a Reply