Murtaza Ali Shad
junun-e-shauq ki dar-o-rasan ki baat chali
hamare ba.ad hamare chalan ki baat chali
gham-e-hayat ne sab kuchh bhula diya tha magar
taḌap uThe jo tiri anjuman ki baat chali
bayan-e-mausam-e-gul dastan-e-raqs-e-bahar
ba-tarz-e-nau usi gul-pairahan ki baat chali
faza-e-sub.h-e-gulistan se sham-e-zindan tak
ḳhulus-e-ham-nafsan-e-vatan ki baat chali
shua-e-dard se jab sang-e-be-hisi pighla
tilism-e-shisha-giran-e-kuhan ki baat chali
Leave a Reply