hava ke haath men ḳhanjar hai aur sab chup hain
lahu-luhan mira ghar hai aur sab chup hain
sada.en bikhri paḌi hain tamam angan men
nazar nazar men ye manzar hai aur sab chup hain
na bolne ki manahi na koi dushvari
zaban sabhi ko mayassar hai aur sab chup hain
qusur-var huun itna ki chashm-did tha main
aur ab gunah mire sar hai aur sab chup hain
ye buz-dili nahin sahab to aur phir kya hai
sitam-shi.ar sitam par hai aur sab chup hain
Leave a Reply