poet

In Ne Pahle-Hi-Pahal Pi Hai Sharab Aaj Ke Din

in ne pahle-hi-pahal pi hai sharab aaj ke din

bolo dil khol kar ai chang-o-rubab aaj ke din

ai ajal ja-e-tarahhum hai ki ye ashiq-e-zar

kucha-e-yar men hai pa-e-turab aaj ke din

yaar bad-mast hua sab pe chhidakta hai sharab

tah kar ai vaiz-e-shahr apni kitab aaj ke din

roz-e-nau-roz hai milte hain sabhi aapas men

koi karta hai kisi par bhi itaab aaj ke din

id-e-qurban hai butan kyuun nahin sargarm-e-jafa

qatl-e-ushshaq samajhte hain savab aaj ke din

duur daur-e-lab-e-janan hai ajab kya ‘joshish’

mai-kade shahr ke hove jo kharab aaj ke din

More Poems

Leave a Comment