paas rah kar dekhna tera bada arman hai
mujh ko sab mushkil hai pyare tujh ko sab asan hai
ai mire badmast mat kar tu ghazalon ka shikar
le na mere dil ko chakh ye zor hi biryan hai
kya dua dete ho miyan jiite raho jiite raho
zindagani to nahin angrez ka zindan hai
ek bosa mach-macha kar biich se honton ke de
phir agar dil tujh se mangun jaan bhi nadan hai
jis ki niyat men dagha hai aap hota hai kharab
khosha-e-gandum ko dekho kab se data-dan hai
aah kuchh chubhta hai uthte baithte siine ke biich
chiir ke dekho to ye almas ka paikan hai
mere samjhane ko aaya hai baghal men le kitab
naak men laaya hai dam naseh koi shaitan hai
‘soz’ ka rutba kahan pahuncha hai jo teri raza
log ye kahte hain ab tu sahib-e-divan hai