Sufi

Rakhte The Taswiron Se Diwar-O-Dar Aabaad

rakhte the tasviron se divar-o-dar abad

aise bhi kuchh shahr hue hain mit mit kar abad

sar abad khayalon se khvabon se nagar abad

ek jahan hai bahar apne ik andar abad

ishq tha apni jagah atal samjhauta apni ja

ek se dil abad raha aur ek se ghar abad

sagar sagar rone vaale ro kar phir muskae

raat rahe jo basti viran kare sahar abad

aao phir se jiina sikhen basna basana sikhen

jaise parind shajar se hain aur un se shajar abad

aaj to lagta hai har manzar naach raha hai ‘shakir’

andar sukh ki dhuum machi so bahar hai abad

More Poems

Leave a Comment