abdullah-kamal

Wo Nishana Bhi Khata Jata To Behtar Hota

vo nishana bhi khata jaata to behtar hota

akhiri tiir na lagta to main patthar hota

tishnagi apni sadaon si bhatakti hoti

ret ka Dher sarabon ka samundar hota

phir vahi qissa vo ik baar sunata mujh ko

phir nigahon men vahi khvab-sa manzar hota

main ne hi kaat diin sab phailti shakhen varna

is ghane ped ka saaya mire sar par hota

More Poems

Leave a Comment