sub.h-e-vafa se hijr ka lamha juda karo
manzil se gard, gard se rasta juda karo
ik naqsh ho na paa.e idhar se udhar mira
jaisa tumhen mila tha main vaisa juda karo
shab-zad-gan! tum ahl-e-ḳhabar se nahin so tum!
apna madar apna madina juda karo
yaan pai-ba-pai jo ḳhvab khule nai-ba-nai khule
jitna juda ye ho sake utna juda karo
main tha ki apne-ap men ḳhali sa ho gaya
us ne to kah diya mira hissa juda karo
Leave a Reply