adeeb-suhail

Ek Diwar Si Kohre Ki Khadi Hai Har Su

ek divar si kohre ki khadi hai har su

par samete hue baithi hai chaman men khushbu

ye andhere bhi hamare liye aina hain

ru-ba-ru karte hain kirdar ke kitne pahlu

in sulagte hue lamhon se ye milta hai suragh

dam-ba-dam tuut raha hai shab-e-gham ka jaadu

dam-bardar koi dasht-e-vafa se guzra

surat-e-khvab hua husn-e-khiram-e-ahu

phir hua habs ka ehsas-e-giran-bar ‘suhail’

phir mira dil hai talab-gar-e-hava-e-gesu

More Poems

Leave a Comment