Sufi

Wo Nazar Mehrban Agar Hoti

vo nazar mehrban agar hoti

zindagi apni mo’tabar hoti

nafraton ke tavil sahra men

in ki chahat to ham-safar hoti

ai shab-e-gham mire muqaddar ki

tere daman men ik sahar hoti

lamha lamha aziyyaten hain jahan

yaad hi un ki chara-gar hoti

un se mansub ho gae varna

zindagi kis tarah basar hoti

ham hi ‘aghaz’ garm-e-sahra the

zulf kya saya-e-shajar hoti

More Poems

Leave a Comment