Poet
vo mujh se be-ḳhabar hain un ki aadat hi kuchh aisi hai
main un ko yaad karta huun mohabbat hi kuchh aisi hai
main aa.uun va.az men sau baar jab ye dil bhi aane de
karun kya va.izo rindon ki sohbat hi kuchh aisi hai
main kis ginti men huun aur ik mire dil ki haqiqat kya
hazaron jaan dete hain vo surat hi kuchh aisi hai
koi aa.e ye aati hai koi jaa.e ye jaata hai
mira dil hi kuchh aisa hai tabi.at hi kuchh aisi hai
hamara kya bigaḌ jaata ‘hasan’ teri sifarish men
hamari un ki ab sahib-salamat hi kuchh aisi hai
Leave a Reply