mujh ko ik arsa-e-dil-gir men rakkha gaya tha
zahar goya kisi iksir men rakkha gaya tha
hashiya matn samajh le jo padhe qissa-e-gham
intizam aisa bhi tahrir men rakkha gaya tha
khvab-alud nigahon se ye kahta guzra
main haqiqat tha jo taabir men rakkha gaya tha
umr-bhar is liye barsen miri ankhen ai dost
ek sahra miri jagir men rakkha gaya tha
meri ankhon men har ik rang tha tanhai ka
ik khala bhi miri tasvir men rakkha gaya tha
Leave a Reply