poet

Kisi Ko Lakh Alam Ho Zara Malal Nahin

kisi ko laakh alam ho zara malal nahin

koi mare ki jiye kuchh unhen khayal nahin

ye janta huun magar kya karun tabiat ko

ki mai haram hai ai vaizo halal nahin

abas ghurur hai mangva ke aaina dekho

vo rang-o-rup nahin ab vo sin o saal nahin

huzur aap jo hote to koi kyuun banta

ye khubi aap ki hai ghair ki majal nahin

idhar to dekho hamen do hi din men bhuul gae

ye be-muravvati allah kuchh khayal nahin

bahar-e-husn ye do din ki chandni hai huzur

jo baat ab ki baras hai vo par-sal nahin

hazar na kijiye milne se khaksaron ke

dua to hai jo faqiron ke paas maal nahin

kisi ne ja ke burai kahi jo ‘jauhar’ ki

kaha ye jhuut hai us ki to ye majal nahin

More Poems

Leave a Comment