Ashfaq Husain
dil ajnabi des men laga hai
andhi se diye ka rabta hai
TuuTe hue log hain salamat
ye naql-e-makani ka mo.ajaza hai
koi bhi nahin yahan pe azad
dhoka ye faqat nigah ka hai
main jis men nahin huun aur vahin huun
vo ghar miri raah dekhta hai
baḌh ja.engi aur uljhanen kuchh
lauT aane se fa.eda bhi kya hai
jab DhunD liya use to jaana
mera hi vajud kho chuka hai
‘ashfaq’ har ek lamha-e-zist
jiine ka ḳhiraj mangta hai
Leave a Reply