Poet
ashk-e-gham shorish-e-pinhan ki ḳhabar dete hain
ye vo qatre hain jo tufan ki ḳhabar dete hain
qalb-e-sozan men shab-o-roz machalte jazbat
garmi-e-shauq-e-faravan ki ḳhabar dete hain
in sisakte hue ghunchon ko hiqarat se na dekh
ye tujhe nazm-e-gulistan ki ḳhabar dete hain
tere mai-ḳhane ke dam toḌte aa.en saaqi
kisi tagh.ir-e-numayan ki ḳhabar dete hain
vo ufuq par jo ujale se nazar aate hain
amad-e-sub.h-e-daraḳhshan ki ḳhabar dete hain
sehn-e-gulshan men ba-har-an badalte hue rang
ik na.e daur-e-baharan ki ḳhabar dete hain
haq to ye hai ki ḳhalaon ke safar ai ‘mansha’
azmat-e-rutba-e-insan ki ḳhabar dete hain
Leave a Reply