vo mujh ko dekh na paa.e main mustaqil dekhun
sitara jaise koi duur jagmaga.e kabhi
banun main lahr kabhi aur vo mera sahil ho
main us ko DhunDne ja.un vo mujh ko paa.e kabhi
ghubar-e-rah ki vahshat hava pe likkhi thi
magar ye log vo tahrir paḌh na paa.e kabhi
tumhare shahr se izzat junun ki jaati hai
gharon pe shishe lagao ki sang aa.e kabhi
yahi dua hai miri bas ki mere rabb-e-azim
gaya hai ab jo musafir to lauT aa.e kabhi
Leave a Reply