Kyunkar Shikar-E-Husn Na Khelen Yahan Ke Log

kyunkar shikar-e-husn na khelen yahan ke log

pariyon ko phans lete hain hindostan ke log

aapas men ek dusre se ashna nahin

zer-e-zamin bhare hain ilahi kahan ke log

bagh-e-jahan se jaate nahin janib-e-bahisht

nahaq tamanche khate hain bad-e-khizan ke log

shahr-e-vafa ka sajda-e-shukrana hai yahi

patthar se sar patakte hain shahr-e-butan ke log

zunnar se hai kam rag-e-jan jis ke samne

bande hue hain us but-e-na-mehrban ke log

apni khabar le auron se kya kaam ai ‘munir’

kis ka zamana kaun si basti kahan ke log

Leave a Comment