vo mujh par is tarah bhi mehrban ho
jahan ja.un vo pahle se vahan ho
isharon men kaha gunge ne ham se
zaban hote hue bhi be-zaban ho
ye ruhen bhi badan ke saath jaa.en
agar zer-e-zamin bhi asman ho
zaruri hai ki ḳhud chalte raho tum
zaruri ye nahin hai karvan ho
ajab schōl hai ye zindagi ka
jahan ustad ka bhi imtihan ho
kabhi ḳhud se akele bhi milun main
hamesha a.ina kyuun darmiyan ho
use qaidi nahin azad samjho
jo zanjiren pahan kar shadman ho
Leave a Reply