vo ruuh ke gumbad men sada ban ke milega
ik din vo mujhe mera ḳhuda ban ke milega
bhaTkunga main is shahr ki galiyon men akela
vo mujh ko mire dil ka ḳhala ban ke milega
vo daur bhi aa.ega ki har lamha-e-hasti
mujh se tire milne ki dua ban ke milega
kis zo.am se bichhḌa hai magar dekhna ye bhi
tu ḳhud se ḳhud apni hi saza ban ke milega
ash.ar men dhaḌke.enge mulaqat ke lamhe
tu sab se mire fan ki baqa ban ke milega
Leave a Reply