huun ankhen ek ḳhvab pe qurban karke ḳhush
aur jism nazr-e-atish-e-vijdan karke ḳhush
ye tum bhi jante ho ki haara nahin huun main
ho jaao apni jiit ka elaan karke ḳhush
main us ko bhulne ke irade se huun dukhi
hota hai kaun jang ka elaan karke ḳhush
sab lutf le rahe hain udasi ka shahr men
hain log apne sog ka saman karke ḳhush
karte hain log jang yahan ishq ke liye
ham log ishq jang ke dauran karke ḳhush
Leave a Reply