vo mere qalb ko chhedega kab guman men tha
jo ek tiir mire dost ki kaman men tha
vo zer-e-saya-e-altaf-e-baghban men tha
jo ashiyana zad-e-barq-e-be-aman men tha
figar lai se hua meri sina-e-nai bhi
nafas nafas tiri chahat ka imtihan men tha
ye moajaza tha yaqinan tiri mohabbat ka
jo auj-e-fikr-o-takhayyul mire bayan men tha
vo jis ne dhuup ki parchhain tak nahin daabi
use samajhte ho har lamha saeban men tha
mukhalifon ko bhi apna bana liya tu ne
ajiib tarah ka jaadu tiri zaban men tha
niyaz-e-ishq ne akhir utha diya ‘atish’
vo ek parda sa haael jo darmiyan men tha
Leave a Reply