aanis-moin

Wo Mere Haal Pe Roya Bhi Muskuraya Bhi

vo mere haal pe roya bhi muskuraya bhi

ajiib shakhs hai apna bhi hai paraya bhi

ye intizar sahar ka tha ya tumhara tha

diya jalaya bhi main ne diya bujhaya bhi

main chahta huun thahar jaae chashm-e-dariya men

larazta aks tumhara bhi mera saaya bhi

bahut mahin tha parda larazti ankhon ka

mujhe dikhaya bhi tu ne mujhe chhupaya bhi

bayaz bhar bhi gai aur phir bhi saada hai

tumhare naam ko likkha bhi aur mitaya bhi

More Poems

Leave a Comment