adeel-zaidi

Khaali Duniya Mein Guzar Kya Karte

khali duniya men guzar kya karte

bin tire umr basar kya karte

tu ne manzil hi badal di apni

ham tere saath safar kiya karte

ek hi khvab-e-junun kaafi tha

dekh kar baar digar kiya karte

apni hi uljhanon men uljhe the

ham tiri zulf ko sar kya karte

ham jo divangi men kar guzre

aql vaale vo hunar kya karte

jo kiya tu ne khuda janta hai

ham tire saath magar kya karte

jabki raste men bikharna hi tha

bandh kar rakht-e-safar kya karte

jism ka bojh liye laute the

shahr valon ko khabar kya karte

jo kiya tu ne khuda janta hai

ham tire saath magar kya karte

khud zamin odh li ki ham aage

aur be-samt safar kya karte

More Poems

Leave a Comment