Har Zarra-E-Ummid Se Khushbu Nikal Aae

har zarra-e-ummid se khushbu nikal aae

tanhai ke sahra men agar tu nikal aae

kaisa lage is paar agar mausam-e-gul men

titli ka badan odh ke jugnu nikal aae

phir din tiri yadon ki munderon pe guzara

phir shaam hui aankh men aansu nikal aae

bechain kiye rahta hai dhadka yahi ji ko

tujh men na zamane ki koi khu nikal aae

phir dil ne kiya tark-e-taalluq ka irada

phir tujh se mulaqat ke pahlu nikal aae

Leave a Comment