vo mahtab jab us ghar se ghar badalne laga
sitare TuuT ga.e asman jalne laga
Thahar ga.e to na tha koi puchhne vaala
jo ham chale to zamana bhi saath chalne laga
dayar-e-dard ki rasm-o-rah-e-vafa hai yahi
nigah Duubi dahan bhi lahu ugalne laga
nishana-e-sitam-e-rozgar tha par ab
dukhon ka zahr mire jism-o-jan men palne laga
vo to raha na vo raste isi liye manzar
har ik vajud na.e paikaron men Dhalne laga
Leave a Reply