yuun to tanha.i men ghabra.e bahut
mil ke logon se bhi pachhta.e bahut
aise lamhe ziist men aa.e bahut
ham ne dhoke jaan kar khaa.e bahut
ye nahin ma.alum ki kya baat thi
ro rahe the mere ham-sa.e bahut
tum hi batla do ki koi kya kare
zindagi jab bojh ban jaa.e bahut
ham faraz-e-dar tak tanha ga.e
do qadam tak log saath aa.e bahut
shahr-e-gham jaisa tha vaisa hi raha
yuun jahan men inqalab aa.e bahut
Dubna ‘aḳhtar’ tha qismat men likha
vaise ham tufan se Takra.e bahut
Leave a Reply