husn-e-alam-soz na-mahdud hona chahiye
har tajalli aftab-alud hona chahiye
husn-e-niyyat hai dalil-e-husn anjam-e-amal
sa.i men bhi jalva-e-maqsud hona chahiye
ek hi jalva hai jab hangama-ara-e-shuhud
phir vahi shahid vahi mash.hud hona chahiye
husn-e-alam-soz ka faiz-e-tajalli aam hai
ek ik zarra yahan masjud hona chahiye
shana-o-a.ina kya ai zulf-e-mushkin-e-ayaz
teri zinat ko dil-e-mahmud hona chahiye
be-niyazi ab ḳhata-karon ki himmat baḌh ga.i
bab-e-tauba kuchh dinon masdud hona chahiye
kavish-e-mizhgan ka paiham taqaza hai ‘aziz’
har-nafas ko tere ḳhun-alud hona chahiye
Leave a Reply