Ashu Mishra
jahan se aa ga.e hain us jahan ki yaad aati hai
ki ham uryan-saron ko sa.eban ki yaad aati hai
jahan-e-mahfil-e-shab men sabhi ankhen bhigote hain
sabhi ko apne apne raftagan ki yaad aati hai
vahan jab tak rahe tab tak yahan ki fikr rahti thi
yahan jab aa ga.e hain to vahan ki yaad aati hai
ye shahr-e-ajnabi men ab kise ja kar bata.en ham
kahan ke rahne vaale hain kahan ki yaad aati hai
Leave a Reply