girani-e-shab-e-hijran do-chand kya karte
ilaj-e-dard tire dardmand kya karte
vahin lagi hai jo nazuk maqam the dil ke
ye farq dast-e-adu ke gazand kya karte
jagah jagah pe the naseh to ku-ba-ku dilbar
inhen pasand unhen na-pasand kya karte
hamin ne rok liya panja-e-junun varna
hamen asiir ye kotah-kamand kya karte
jinhen khabar thi ki shart-e-nava-gari kya hai
vo khush-nava gila-e-qaid-o-band kya karte
gulu-e-ishq ko dar-o-rasan pahunch na sake
to laut aae tire sar-buland kya karte
Leave a Reply