dost jitne bhi the mazar men hain
ghaliban mere intizar men hain
vo na hote mira vajud na tha
main na hota vo kis shumar men hain
shaḳh-e-idrak men jo kanTe hain
phuul banne ke intizar men hain
kya sabab hai ki ek mausam men
kuchh ḳhizan men hain kuchh bahar men hain
ek sha.ir bana ḳhuda-e-suḳhan
jo rasul-e-suḳhan the ghaar men hain
ḳhaar samjho na tum unhen hargiz
saanp ke daant gul ke haar men hain
shimr-o-fir.aun kab hue marhum
un ke ausaf rishte-dar men hain
sab ke sab kavish-e-farishta-ḳhisal
aib jitne hain ḳhaksar men hain
Leave a Reply