agha-shayar-qazalbash

Kya Kar Rahe Ho Zulm Karo Rah Rah Ka

kya kar rahe ho zulm karo raah raah ka

kahte hain be-jigar hai bada tiir aah ka

yuun raungte larazte hain puchhenge roz-e-hashr

kyuun ek din bhi khauf na aaya gunah ka

halat pe meri un ke bhi aansu nikal pade

dekha gaya na yaas men aalam nigah ka

kisra ka taaq kaabe ke but munh ke bal gire

shohra suna jo ashhado-an-la-ilah ka

‘shair’ ajiib rang se guzri hai apni umr

duniya men naam bhi na suna khair-khvah ka

More Poems

Leave a Comment