Sufi

Sitam Ke Parde Mein Phir Karam Kar Sukun Ko Iztirab Kar De

sitam ke parde men phir karam kar sukun ko iztirab kar de

dil-e-fasurda ko zindagi de shabab ko phir shabab kar de

ye maana lakhon hikayaten hain hazaron dil men shikayaten hain

magar kahen kya jo ik nazar men koi hamen la-javab kar de

thahar dil-e-be-qarar dam bhar vo aae hain be-hijab ho kar

sambhal ki ye iztirab-e-nau hi kahin na haail naqab kar de

vo alam-e-be-khudi ho dil par vo kaifiyat be-hisi ki chhae

jo arzu-e-karam mita de jo be-niyaz-e-itab kar de

na aaega lab pe harf-e-matlab na khul sakegi zaban-e-‘kaifi’

nigah-e-hasrat ko tarjuman kar khamoshiyon ko javab kar de

More Poems

Leave a Comment