ik saya-e-sham yaad aaya
ḳhushbu ka ḳhiram yaad aaya
dhoya hua saat paniyon men
kya naam tha naam yaad aaya
lahje men shaguftagi gulon ki
ik shusta kalam yaad aaya
achchha hua gor tak to pahunche
yaron ko salam yaad aaya
ai mauja-e-bad kya hua hai
kya taaza payam yaad aaya
kuchh aur zamin men gaḌ ga.e ham
jab apna maqam yaad aaya
maqtal se muḌ aa.e ghar ko ‘gauhar’
shayad koi kaam yaad aaya
Leave a Reply