chhedte hain gudgudate hain phir arman aj-kal
jhute sachche koi kar le ahd-o-paiman aj-kal
ghont de mera gala kuchh zor agar us ka chale
haath se mere hi tang itna gareban aj-kal
chadh gae divar-e-zindan par kabhi utre kabhi
ham bane hain saya-e-divar-e-zindan aj-kal
rose raton ko suna karta huun ye avaz-e-qais
phade khata hai mujhe khali bayaban aj-kal
ai urus-e-tegh kuchh tujh ko haya bhi chahiye
kyuun gale padti hai tu ho ho ke uryan aj-kal
sang-dil kafir ka shayad tutte dekha hai kufr
tuut kar milte hain mujh se is ke darban aj-kal
aa gaya aisa hi ab kafir zamana kya karen
daabe phirte hain baghal men log iman aj-kal
rat-din hai meri turbat par hasinon ka hujum
dekhne ki chiiz hai gor-e-ghariban aj-kal
din ko roza iid shab ko hai ajab shaghl-e-‘riyaz’
rat-bhar piita hai ye mard-e-musalman aj-kal