Poet
ba-roz-e-hashr mire saath dil-lagi hi to hai
ki jaise baat koi aap se chhupi hi to hai
na chheḌo bada-kasho mai-kade men vaa.iz ko
bahak ke aa gaya bechara aadmi hi to hai
qusur ho gaya qadmon pe loT jaane ka
bura na maniye sarkar be-ḳhudi hi to hai
riyaz-e-ḳhuld ka itna baḌha chaḌha ke bayan
ki jaise vo mire mahbub ki gali hi to hai
yaqin mujhe bhi hai vo a.enge zarur magar
vafa karegi kahan tak ki zindagi hi to hai
mire baghair andhera nahin sata.ega
sahar ko shaam bana degi ashiqi hi to hai
ba-chashm-e-nam tiri dargah se gaya ‘faruq’
ḳhata muaaf ki ye banda-parvari hi to hai
Leave a Reply