vo log aa.en jinhen hausla ziyada hai
ghazal men ḳhuun ka masraf zara ziyada hai
sab apne aap ko dohra rahe hain rah rah kar
vo is liye ki paḌha kam likha ziyada hai
ye sach hai koi farishta nahin mire andar
magar ḳhata ki ba-nisbat saza ziyada hai
mira ḳhumar utar jaa.e to ye faisla ho
tiri sharab men kya kam hai kya ziyada hai
ghazal usi pe dar-e-iltifat kholti hai
jise lihaz rivayat ka ziyada hai
Leave a Reply