naved-e-yaum-e-baharan ḳhizan se zahir ho
misal-e-saut-e-pareshan fughan se zahir ho
tujhe guman hai agar ḳhud pe lafz-e-raushan ka
rida-e-shabnam-e-ijz-e-bayan se zahir ho
chamak uThe miri ankhon men ashk ki surat
jo aag dil men hai raushan zaban se zahir ho
kisi bhi samt se ubhre sitara-e-avaz
nahin ye qaid ki vo asman se zahir ho
vo ka.enat ka ḳhaliq sahi magar ‘asif’
yaqin hai ḳhud pe use to guman se zahir ho
Leave a Reply