Poet
dard jab sher men Dhal jaate hain
lafz mafhum badal jaate hain
ghar men aate hain bahut raat ga.e
munh andhere hi nikal jaate hain
sab ko ehsas kahan hai ki sabhi
kuchh-na-kuchh roz badal jaate hain
vahi dariya hain ki jin ke raste
bahr ki samt nikal jaate hain
sirf sahra hi pe ilzam hai kyuun
phuul gulshan men bhi jal jaate hain
log chalte hain ‘munavvar’ kis samt
aur kis samt nikal jaate hain
Leave a Reply